Anna Kristjáns fór grátandi heim: „Ég lýg að íslensku þjóðinni á hverjum morgni“ |

Anna Kristjáns fór grátandi heim: „Ég lýg að íslensku þjóðinni á hverjum morgni“

Efnisorð

Deila

- Auglýsing -

Anna Kristjánsdóttir skemmtir lesendum daglega með Dagbókinni sinni frá Tenerife. Þar nýtir hún spriklandi frásagnargáfu til að koma á framfæri sögum sem myndu sæma sér í hvaða sápuóperu sem er. Nú þegar 2.149 dagar eru liðnir frá flóttanum mikla, frá Íslandi til Tene, þá hefur Önnu tekist að þefa uppi ævintýri nánast hvern einasta dag. Stílfimin og frásagnargáfan gerir það að verkum að það er alltaf eitthvað að frétta. Ævintýrin eru endalaus! En kannski er ekkert að marka það, enda segist hún ljúga þessum öllu saman, sem er þó líklega bara enn ein lygin!

En áfram með frásögnina frá því um helgina. Anna hefur nú dvalið í 2.149 daga á eyjunni eftir að hafa ákveðið að flýja okurlandið Ísland líkt og hún uppnefndi heimalandið. Anna greinir frá því að hafa lent á milli skips og bryggju í fyrradag þegar nokkrir Íslendingar, búsettir á Teneriefe eða Paradís eins og Anna kýs að kalla eyjuna, ákvaðu að hittast.

„Þetta voru í allt um tuttugu manns. Það átti að fylgja öllum reglum, hámark fjögur við borð. En samt voru þetta um tuttugu manns. Torres segir hámark tíu og hámark fjögur við borð,“ segir Anna sem hugsaði sitt ráð. Hún bætir við:

„Ég lýg að íslensku þjóðinni á hverjum morgni svo rækilega að Donald Trump hefur ekki roð við mér. Alla vega veit alheimur þegar hann lýgur nema einstöku aðdáendur hans. Þegar ég lýg sögum trúir mér alþjóð. Hvernig á ég að geta logið sannfærandi um leið og ég stunda samtímis sukk og svínarí og brot á sóttvarnarreglum gegn kröfum Torres, Sanchez og Illa?“

Eftir nokkra yfirlegu dró Anna í land. Léti hún undan löngun sinni hefði hún ekki efni á að gagnrýna aðra og væri ekkert skárri en „sukkliðið í Ásmundarsal?“

Anna segir um ákvörðun sína: „Að endingu ákvað ég að fara hvergi og fór grátandi heim, las sjóslysasögur Óttars Sveinssonar og fann strax örlitla villu í nýju bókinni hans. Svona er að vera lýgin og ætlast til að allt hitt fólkið segi sannleikann og ekkert nema sannleikann.“

Kvöldið endaði þó ágætlega en eftir að hafa lesið nokkra kafla hélt Anna bæinn og settist yfir bjór á Næstabar. Þar kveðst Anna hafa verið tekið með kostum og kynjum, nema það sé lýgi líka, en þá voru viðskiptavinir búnir að háma í sig pistla Önnu með aðstoð Google translate. Eru þeir viðskiptavinir orðnir fastir lesendur pistla Önnu á Facebook. Það skilaði sér strax þetta kvöld og greinir Anna frá að orðheppni hennar og skjall í garð tveggja Breta hafi skilað fríum drykkjum í hús.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira