Félagsleg þátttaka hjá unglingum á framhaldsskólaaldri mikilvæg þegar íþróttastarf er enn óheimilt

Efnisorð

Deila

- Auglýsing -

Í gær gengu í garð nokkrar tilslakanir á samkomu- og fjöldatakmörkunum vegna kórónuveirunnar sem miðuðu helst að þjónustu og samkomum barna og unglinga.

Meðal annars var dregið úr fjöldatakmörkunum í framhaldsskólum svo þeir gátu opnað á ný.

Í Síðdegisútvarpinu á Rás 2 í dag var rætt við Önnu Steinsen, tómstunda- og félagsmálafræðing og eiganda Kvan. Rætt var um stöðu unglinga í framhaldsskólum og brottfall úr íþróttum á þessum árum. Sérstaklega núna þegar engar æfingar hafa verið stundaðar í svona langan tíma. Anna fagnar því að framhaldsskólarnir séu opnir á ný og segir eitt af því sem stuðli að velsæld og hamingju sé að vera félagslegum samskiptum sem fólk hefur ekki verið að gera um þessar mundir.

Anna sagði áhyggjurnar vera mestar af unglingum í framhaldsskólum, sérstaklega þeim sem eru að byrja í framhaldsskóla. „Þú ert að byrja í menntaskóla þannig þú ert ekki með þennan grunn á fyrsta ári, þú ert ekki búin að kynnast bekknum,“ sagði Anna.

Anna hvatti fólk sem á unglinga sem eru á framhaldsskólaaldri að hvetja börnin til einangrast ekki. „Það er krefjandi að vera skemmtilegur í þessari stöðu,“ segir Anna og bætir við að foreldrar eigi aðeins að vanda sig hvernig þeir tali við krakkana. Þeir eigi frekar að leita til annarra til að hvetja þau áfram, þjálfara, markþjálfa eða aðrar fyrirmyndir. Unglingar líti ekki hvatningarorð foreldra sinna sömu augum og frá öðrum, þeir hreinlega hugsi „æj þetta í mamma mín hún þarf að segja þetta“.

Fram kom að brottfall unglinga 16 ára og eldri úr íþróttum sé nú þegar algengt og íþróttastarf hjá einmitt þessum aldri sé sem fyrr óheimilt. Anna segir félagslega þáttinn mikilvægan í þessari stöðu. „Vellíðan eykst ef þau gera eitthvað í þessu félagslega, þá eru meiri líkur á að þau byrji aftur í íþróttunum þegar þær hefjast á ný.“

- Auglýsing -
- Auglýsing -

Athugasemdir

Orðrómur

Lestu meira