Hugmynd Elínar um að setja upp streymismyndavél fyrir utan Vesturbæjarlaug fær misgóðar viðtökur  |

Hugmynd Elínar um að setja upp streymismyndavél fyrir utan Vesturbæjarlaug fær misgóðar viðtökur 

Efnisorð

Deila

- Auglýsing -

Elín Þórhallsdóttir, íbúi í Vesturbæ, kom með hugmynd á vefsíðunni Betri Reykjavík. 

Þar hvetur hún borgina til koma upp vefmyndavél fyrir utan Vesturbæjarlaug og streyma á heimasíðunni til að sjá hve margir séu að bíða í röð eftir að komast í laugina. „Tilvonandi gestir laugarinnar gæti þannig tekið stöðuna og athugað hvort það er biðröð í sund áður en lagt er af stað í laugina.“

Rökin sem hún færir fyrir þjónustunni er að koma í veg fyrir að fólk þurfi að bíða úti í kulda og myrkri. „Streymið væri hugsað tímabundið á meðan fjöldatakmarkanir vegna sóttvarna eru í gildi. Biðraðirnar í vor voru bærilegar enda var þá allt önnur árstíð. Einnig gæti þetta verið ákveðinn léttir á starfsfólk laugarinnar sem passar upp á gestatöluna,“ skrifar Elín á vefsíðunni.

Hún segir þá tilvonandi sundlaugargesti fá tækifæri til að taka upplýsta ákvörðun um að mæta þegar biðröðin sé styttri og bendir á að það minnki álag starfsfólk laugarinnar.

„Streymið væri aðeins í gangi á opnunartíma sundlauganna, ekki tekið upp og ekki varðveitt neins staðar,“ skrifar Elín.

Elín hefur fengið mismunandi undirtektir bæði á Facebook-síðunni Vesturbærinn en þar segir fólk þetta ýmist vera þjóðráð, óþörf hugmynd enda sé þetta ekkert vandamál eða hreinlega persónuverndarbrot.

„Ekki sérlega góð hugmynd að ætla að njósna um alla í boði borgarinnar,“ skrifar ein á hópinn. Henni bárust mótrök sem sögðu að vel væri hægt að útfæra þetta án þess að hægt væri að greina persónur. Þá hefur önnur bent á að hægt sé að hafa teljara upplýsingar þar sem má sjá hve margir séu í lauginni hverju sinni.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira