Barnafataverslun innkallar peysur – Bönd geta valdið hættu á kyrkingu

Efnisorð

Deila

- Auglýsing -

Neytendastofa bendir á að barnafataverslunin Bíumbíum innkallar How to kiss a frog hettupeysur sem fengist hafa í versluninni.

Hættan felst í því að bönd í hettum eða í hálsmáli geta valdið hættu á kyrkingu. Um er að ræða vöruna Gola Hoodie Dress in Powder velvet, vörunúmer AW1930-2Y.

Peysan sem um ræðir

Af öryggisástæðum vill verslunin benda þeim sem keypt hafa umrædda peysu að fjarlægja böndin úr peysunum eða skila peysunni í verslunina. Ástæða innköllunarinnar er sú að böndin í hettunum eru ekki í samræmi við lög um öryggi vöru og opinbera markaðsgæslu. Ekki er heimilt að hafa bönd eða reimar í hálsmáli fatnaðar ætlað börnum yngri en 7 ára (upp í 1,34 m hæð). Í barnafatnaði fyrir börn 7- 14 ára mega bönd eða reimar í hálsmáli ekki standa lengra en 75 mm út úr flíkinni.

Neytendastofa hvetur þá sem keypt hafa ofangreindar flíkur að snúa sér til Bíumbíum eða fjarlægja böndin úr hettunum.

Ert þú með ábendingu um neytendamál? Sendu póst á [email protected]

- Auglýsing -

Athugasemdir

Lestu meira