Fluginu aflýst? – Þú getur átt rétt á skaðabótum

Efnisorð

Deila

- Auglýsing -

Neytendasamtökin benda neytendum á það að aflýsi flugrekandi flugferð með minna en tveggja vikna fyrirvara ber flugrekanda samkvæmt Evrópureglugerð um réttindi flugfarþega, að greiða farþega staðlaðar skaðabætur sem nema 250-600 evrum (41.260-99.024 íslenskar krónur þegar þetta er skrifað) og fara eftir lengd flugs, auk endurgreiðslu, inneignar eða nýs flugs.

Undantekning á því er ef aflýsingu flugs má rekja til óviðráðanlegra aðstæðna. Neytendasamtökin telja að aðlögun framboðs að eftirspurn falli ekki undir óviðráðanlegar aðstæður og hvetja farþega til að sækja rétt sinn.

Ábending er ítrekuð Í ljósi ummæla upplýsingafulltrúa Icelandair (mbl.is ruv.is) um aflýsingu fjölda flugferða félagsins til að „laga framboð að eftirspurn“, eins og segir á vef samtakanna.

Neytendasamtökin aðstoða félagsmenn sína með úrlausn þeirra mála.

Ert þú með ábendingu um neytendamál? Sendu póst á [email protected]

- Auglýsing -

Athugasemdir

Lestu meira