Margrét Friðriks uggandi yfir kvennabúri Björns Leví

Efnisorð

Deila

- Auglýsing -

Björn Leví Gunnarsson, þingmaður Pírata, segir að ríkið eigi ekki að segja til um hve margir séu saman í hjúskap. Kvennabúr er líklega þekktast dæmið um slíkt fyrirkomulag og á eftir einkvæni það langalgengasta á heimsvísu, sérstaklega meðal múslíma og mormóna. Því er ekki furða að Margrét Friðriksdóttir sé uggandi.

Vísir greinir frá tillögu Björns um að breytingar verði gerðar á hjúskaparlögum. Björn skrifar ennfremur pistil á Kjarnanum um málið. Hann spyr ítrekað af hverju ekki í pistlinum. „Fyrir um ára­tug var hjú­skap­ar­lögum breytt þannig að hjú­skapur eða skráð sam­búð væri á milli tveggja ein­stak­linga óháð kyni. Hér er bætt við að slíkur samn­ingur sé óháður fjölda­tak­mörk­unum af hálfu hins opin­bera. Þrír í hjú­skap? Af hverju ekki? Fjórar að ætt­leiða sam­an? Af hverju ekki? Fimm í sam­búð sem bera sam­eig­in­lega ábyrgð á leigu­samn­ingi, af hverju ekki? Af hverju ætti ríkið að ákveða hverjir geti gert með sér slíka samn­inga?“

Það má segja að Margrét Friðriksdóttir, stjórnandi Stjórnmálaspjallsins, geri tilraun til að svara þessu. „Í Danmörku hefur þetta verið vandamál meðal múslima sem að eiga 3-4 eiginkonur og eignuðust 20-30 börn með þeim og voru að fá barnabætur fyrir milljónir á mánuði, vegna þessa vandamáls er búið að setja þak á barnabætur þar og nú greiða danir einungis barnabætur með hámark 3 börnum. Vill Björn að stefni í þetta óefni eða hvað eru píratar að leitast eftir með þessari tillögu?,“spyr hún á móti.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -