Mogginn tekur slaginn með Trump: Davíð skammast yfir fávísum fréttamönnum

Efnisorð

Deila

- Auglýsing -

„Étið hefur verið eftir í fjölmiðlum sem hafa hatast við Trump frá fyrsta degi að „engar sannanir“ séu um kosningasvik. Það eru skrítnar staðhæfingar. Ásakanir fjölda vitna liggja sannarlega fyrir og eru studdar eiðsvörnum yfirlýsingum þeirra og geta varðað fangelsi ef rangar reynast. Birt hafa verið nöfn og fjöldi mynda af „kjósendum“ sem kusu glaðbeittir nú þótt þeir geispuðu golunni fyrir löngu,“ segir ritstjóri Morgunblaðins i leiðara dagsins. Davíð Oddsson ritstjóri blaðsins og tekur þarna undir með Donald Trump, fráfarandi forseta Bandaríkjanna, um kosningarsvik Demókrata í forsetakosningunum.

Davíð fer sömu leið og Trump og gerir lítið úr fréttamönnum sem fjallað hafa um kosningarnar. Íslenskir fréttamenn fá á baukinn ekki síður en bandarískir kollegar þeirra. Ríkisútvarpið fær sérstakar skammir.

„Margir undrast að Trump forseti skuli ekki viðukenna möglunarlaust úrslitin í
forsetakosningunum. Jafnvel á Íslandi og jafnvel utan hinnar veikburða fréttastofu
ríkisins er þetta apað eftir. Enginn þessara fréttamanna veit þó til að úrslit þessara
kosninga liggi fyrir. Láta má vera að fávísir fréttamenn hér gefi sér að kjörstjórnir úr einstökum kjörstöðum (sveitarfélögum eða kjördæmum) gefi í lok talningar fyrirliggjandi úrslit og svo berist mönnum kjörbréf í framhaldinu. Í Bandaríkjunum er veruleiki almennings sá að „stóru sjónvarpsstöðvarnar“ lýsa því yfir hvor (forsetaefna) hafi haft það
í einstökum ríkjum. Þetta „umboð“ taka þær sér,“ segir í leiðaranum.

Tíundað er í leiðaranum að svik hafi átt sér stað með því að fólk hafi komið frá Kanada til að kjósa og að námsmenn kjósi bæði í háskólabæjunum og heima hjá sér. Og Morgunblaðið flettir ofan af Demókrötum í hálfkveðinni vísu.

„Var í þessu tilviki um skipuleg kosningasvik í stórum stíl að ræða af hálfu demókrata? Lögfræðingahópur kynnti málatilbúnað kosningastjórnar forsetans um þetta á blaðamannafundi sem var mjög sláandi. Þar kom t.d. fram að í sumum kjördæmum hafi kosningaþátttaka verið 350% meiri en einstaklingarnir sem voru á kjörskrá. Slík gögn liggja fyrir og þarf að rannsaka. Kosningavélar (frá Venesúela) hafi skilað atkvæðum með stórdularfullum hætti og dæmin um það fylgja málsskjölum og eru fjölmiðlum tiltæk. Þær hafi t.d. fært inn 150.000 atkvæði á Joe Biden í samfellu“.

Leiðarahöfundurinn tekur nýkjörinn forseta Bandaríkjanna til bæna.
„Joe Biden hafði sem slagorð strax eftir kosningar að „telja beri öll atkvæði“. Það hljómar
ekki illa. En það er ekki víst að hann hafi meint að telja bæri öll lögleg atkvæði. Að telja hin er auðvitað ósvinna. Það liggur fyrir að póststimplar voru falsaðir í stórum stíl, spurningin er aðeins í hvað stórum stíl“.

- Auglýsing -
- Auglýsing -

Athugasemdir

Orðrómur

Lestu meira

Getur smáríkið stillt til friðar og samstarfs?

Mike Pence, varaforseti Bandaríkjanna, er væntanlegur til Íslands næstkomandi miðvikudag. Eitt af því sem íslensk stjórnvöld munu vafalítið...

Ný staða í Valhöll

Leiðari út 21. tölublaði Mannlífs Það hefur verið áhugavert að fylgjast með þróuninni innan Sjálfstæðisflokksins undanfarnar vikur. Undirliggjandi...