Nýtt myndband af Trausta grímulausum í IKEA - „Grímulausi herinn“ boðar hópamyndanir í verslunum |

Nýtt myndband af Trausta grímulausum í IKEA – „Grímulausi herinn“ boðar hópamyndanir í verslunum

Efnisorð

Deila

- Auglýsing -

Andspyrnuhreyfingin íslenska gegn Covid-19 sóttvarnaraðgerðum ræðir nú að fjölmenna grímulaus í verslun IKEA. Það gerir „Grímulausi herinn“ eftir að Trausta Eysteinssyni, múrara og öndunarsérfræðingi, tókst að komast inn í búðina grímulaus og birti stoltur af því myndbandið sem fylgir hér að neðan.

Elísabet Guðmundsdóttir lýtalæknir var með í för í IKEA og tók myndbandið upp. Trausti nær inn í búðina grímulaus og veifar hvítum pappír til starfsmanna sem hann segir vera vottorð. Elísabet og Trausti lentu í klóm lögreglunnar fyrir helgi. Elísabet grét hástöfum við handtökuna og Trausti trompaðist. Myndband Trausta af hantökunni má sjá hér.

Þá hefur Elísabet fengið lífslátshótanir eftir að hún gerðist andlit baráttunnar gegn Covid-19 sóttvarnaraðgerðum hér á landi. Ekki aðeins lífslátshótanir heldur einnig hótanir um barsmíðar og nauðganir. Í gær var heimili hennar grýtt og hún hefur komið börnum sínum í öruggt skjól.

Fyrir að hlýða ekki kvaðningu lögreglumanna var Elísabet handtekin á staðnum og brást hún ókvæða við. Trausti brjálaðist líka við lögreglumenn yfir handtökuna sem honum þótti alltof harkaleg. Hann segir að Elísabet sé í taugaáfalli.

Þetta er ekki í fyrsta sinn sem Trausti biritr af sér myndbönd grímulaus í verslunum en hann varð frægur á augabragði er hann birti myndband af sér í Bónus þar sem hann streittist gegn grímuskyldu verslunarinnar.

Sunna Ómarsdóttir, sem líka er myndbandsstjarna eftir að hafa farið grímulaus í Rúmfatalagerinn, tekur vel í hugmyndir meðlima Covid-andspyrnuhreyfingarinnar að fjölmenna grímulaus í IKEA. „Ég þangað!! Ég er til!,“ segir Sunna ákveðin.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira