Ragnar dæmdur í 14 ára fangelsi fyrir morð: „Síðasti róðurinn sem við fórum saman“ |

Ragnar dæmdur í 14 ára fangelsi fyrir morð: „Síðasti róðurinn sem við fórum saman“

Efnisorð

Deila

- Auglýsing -

Ragnar Sigurður Jónsson var í héraðsdómi Reykjaness í gær dæmdur í fjórtán ára fangelsi fyrir að verða eiginkonu sinni að bana með því að þrengja að hálsi hennar, á heimili þeirra í Sandgerði í lok mars á síðasta ári. Ragnar var úrskurðaður í gæsluvarðhald í byrjun apríl en Landsréttur felldi það úr gildi í október í kjölfar vitnisburðar matsmanna sem töldu einnig koma til greina að áfengi og lyf hefðu orðið henni að bana.

Konan var 52 ára gömul þegar hún fannst látin á heimili sínu og Ragnars í Sandgerði 28. mars. Kviknaði grunur um að andlát hennar hefði borið að með saknæmum hætti eftir krufningu og var Ragnar handtekinn þremur dögum síðar á heimili þeirra, 31. mars. Hann var úrskurðaður í gæsluvarðhald þann 1. apríl til áttunda þess sama mánaðar. Það var ættingi sem tilkynnti um andlát konunnar til lögreglunnar á Suðurnesjum. Í tilkynningu frá lögreglu sagði:

„Rannsóknarlögreglumaður fór þegar ásamt lækni og presti á staðinn. Ekkert á vettvangi benti til þess að eitthvað saknæmt hefði átt sér stað. Sama máli gegndi um líkskoðun á sjúkrastofnun.“

Sjá einnig: Bæjarbúar slegnir

Mannlíf hafði heimildir fyrir því að bæjarbúar væru slegnir yfir atvikinu. Parið var reglufólk, rólegt og til fyrirmyndar. Ragnar birti eftirfarandi skilaboð orðrétt, á Facebook, daginn eftir andlát hennar:

„Það er með mikilli sorg í hjarta og tár í augum, sendum við þessa tilkynningu út frá okkar að ástkæra eiginkona mín/móðir, teindamóðir og amma. … varð bráðkvödd á heimili sínu þann 28 Mars. Þetta eru erfiðir tímar framundan hjá okkur að halda utan um öll okkar kríli og okkur sjálf. Við biðjum ykkur vinsamlegast um að hafa samband fyrst við …. varðandi heimsóknir því það er jú samkomubann. Ást og friður frá okkur öllum. Ekki gleyma að halda utanum ykkar nánustu og njótið saman.“

 

Þann 30. mars birti Ragnar mynd af sambýliskonu sinni þar sem þau voru úti á sjó og konan við stýrið. Þar stóð:

„Síðasti róðurinn sem við fórum saman.“

Í frétt Mannlífs frá 6. apríl 2020 kom fram að þann 1. apríl það sama ár, eða fjórum dögum eftir andlát konunnar barst niðurstaða réttarmeinafræðings. Í niðurstöðunni sagði að sterkur grunur léki á að andlátið hefði borið að með saknæmum hætti.

 

Ragnar var þá handtekinn og úrskurðaður í gæsluvarðhald til 8. apríl. Staðfesti Landsréttur þann úrskurð tveimur dögum síðar. Gæsluvarðhald yfir manninum var síðan framlengt til 15. apríl. Það var síðan aftur framlengt til 22. apríl.

Látinn laus í október

Fimm réttarmeinarfræðingar hafa komið að málinu. Tveir unnu krufningu og þrír voru dómkvaddir til að svara spurningum en ekki leggja heildstætt mat á dánarorsök. Voru þeir ekki einróma um hvað varð konunni að bana. Í krufningarskýrslu var talið að kyrking hefði orðið konunni að bana en matsmenn svöruðu fyrir dómi að mögulega hefði konan látist af áfengis og lyfjaeitrun. Eftir að matsmenn skiluðu skýrslu var Ragnar látinn laus úr gæsluvarðhaldi í október og var hann ekki látinn sæta farbanni.

Ákæra var gefin út í júní þar sem saksóknari taldi að Ragnar hefði orðið konu sinni að bana. Aðalmeðferð fór fram um miðjan nóvember og stóð yfir í tvo daga.

Ragnar hefur verið í sambandi við börn sín. Samkvæmt heimildum Mannlífs héldu þau jól saman. Þá segja heimildarmenn Mannlífs að börn þeirra trúi á sakleysi hans.

Fyrir dómi bar Ragnar við minnisleysi og hefur að sögn lögreglu neitað að tjá sig. Fjölskipaður héraðsdómur Reykjaness hefur nú dæmt manninn í fjórtán ára fangelsi.

Ragnar var einnig í dag úrskurðaður í fimm mánaða gæsluvarðhald en hann hefur verið frjáls ferða sinna síðan í október.

Ekki var farið fram á neinar miskabætur og þá er ekki vitað á þessari stundu hvort Ragnar muni áfrýja dómnum til Landsréttar.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Snjóflóð féll á Hnífsdalsvegi

Hnífsdalsvegi hefur verið lokað vegna snjóflóðahættu. Staðan með opnun vegarins verður tekin í fyrramálið.Samkvæmt tilkynningu frá lögreglunni...