Strætó biðst velvirðingar á upplýsingaóreiðu

Efnisorð

Deila

- Auglýsing -

Strætó bs. hefur sent frá sér tilkynningu þar sem beðist er velvirðingar á upplýsingaóreiðu varðandi reglur um grímunotkun í strætisvögnum. Endanleg niðurstaða er að grímunotkun er ekki skylda á styttri leiðum innan höfuðborgarsvæðisins en hins vegar ber farþegum á lengri leiðum í landsbyggðarvögnum að bera grímur.

Samkvæmt nýju reglunum sem sóttvarnalæknir kynnti í fyrradag er fólki skylt að bera grímur þegar ekki er unnt að halda tveggja metra fjarlægð, svo sem í áætlunarflugi, í farþegaferjum og öðrum almenningssamgöngum. Í tilkynningu Strætó bs. er mælt með því að fólk beri grímur ef vagnar eru þéttsetnir og ekki hægt að halda tveggja metra fjarlægð frá öðrum farþegum. Einnig er mælt með því að fólk í áhættuhópum beri grímur.

Í tilkynningunni kemur einnig fram að börn fædd árið 2005 og yngri séu undanskilin grímuskyldu og að viðskiptavinir Strætó séu ábyrgir fyrir því að útvega sér eigin andlitsgrímur. Viðskiptavinir eru jafnframt minntir á að passa upp á hreinlæti og að nota ekki almenningssamgöngur ef grunur er um smit.

 

- Auglýsing -

Athugasemdir

Orðrómur

Lestu meira