Veitingamenn snúa vörn í sókn. Sæktu eða fáðu sent.

Efnisorð

Deila

- Auglýsing -

Það er hart í ári hjá mörgum veitingamönnum vegna samkomutakmarkana. Fáir ferðamenn á ferli og ekki margir heimamenn sem gera vel við sig í mat og drykk. Margir veitingastaðir láta þó ekki deigan síga og ýta nú frekar undir að fólk sæki matinn eða bjóða jafnvel upp á heimsendingu. Neytandavaktin leit á nokkra fýsilega kosti.

Brewdog á Frakkastíg býður upp á ókeypis heimsendingu ef verslað er fyrir 6.000 krónur eða meira. Á matseðlinum eru til dæmis hamborgarar, kjúklingvængir, lambakjöt, grillað blómkál og steikarsamlokur. Barnamáltíðir frá 890 krónum og fjölskyldutilboð á 4.990 krónur. Algengt verð á stökum réttum er 2.190 krónur. Heimasíðan er mjög aðgengileg fyrir pantanir.

Kjúklingavængir

Hinn rómaði veitingastaður Snaps við Óðinstorg býður fólki að sækja mat af matseðli. Snaps hefur útbúið mjög gott pöntunarkerfi á heimasíðu sinni. Sesar salat á matseðli er á 3.600 krónur og fiskur dagsins á 3990 krónur svo eitthvað sé nefnt. Lambakótilettur á 5.100 og nautalund á 6.400.

Matur

Í úthverfunum er Mathöll Höfða hvað sterkust. Þar er Hipstur með hádegistilboð á 2.390 krónur, Culican býður til dæmis upp á mexókósk Buritos á 1.890 krónur og Gastro Truck er með götumat frá 1.490 krónum. Á heimasíðu Mathallarinnar er auðvelt að skoða framboð og panta með auðveldum hætti.

Matur

Mathöll Hlemmi hefur verið lokað fyrir almenningi um stund en veitingastaðurinn Skál sem þar hefur getið sér gott orð býður fólki að panta í gegnum síma. Þar má fá bleikju á 2.650 krónur og nautasteik á 2.750 krónur.

Sækja mat

Þeir sem vilja góðan mat útbúinn af fagfólki, en halda áfram að gæta að sóttvörnum, þurfa því ekki að svelta.

SPE

 

 

- Auglýsing -

Athugasemdir

Orðrómur

Lestu meira

Meiri skilaréttur ef keypt er á Netinu

Átt þú gjafabréf? Inneignarnótu? Ekki draga það að leysa góssið út!Samkvæmt upplýsingum á island.is er gildistími gjafabréfs og...