Hátíð fyrir sælkera

Efnisorð

Deila

- Auglýsing -

Móðir Jörð og Matarauður Austurlands boða til jarðaeplahátíðar í Vallanesi á laugardag.

Í tilefni af uppskerulokum verður efnt til hátíðarhalda í Vallanesi um helgina, nánar tiltekið á laugardag, þar sem fjöldi spennandi viðburða verða í boði. Ræktunarsagan í Vallanesi verður rakin og gefst gestum og gangandi kostur að gæða sér á fjölda kartöfluafbrigða sem eru ræktuð á þessum sama stað og fyrir 268 árum, en grænmetisræktun í Vallanesi er rakin til ársins 1752 þegar Páll Guðmundsson aðstoðarprestur í Vallanesi setti niður kartöflur og kál á Pálshúshóli.

Á staðnum verður grænmetismarkaður með uppskeru af lífrænt ræktuðum kartöflum, grænmeti og vörum Móður Jarðar. Matreiðslumeistari, sem hefur þróað rétti með rótgrónum íslenskum kartöflutegundum, allt frá forrétti til eftirréttar, mætir á svæðið. Teikningar af kartöflum verða til sýnis, börnum býðst að teikna með kartöflum og gestir velja fallegustu kartöfluna árið 2020.

Hátíðin stendur yfir 3. október frá klukkan 12 – 16.

Saga og matur fer fram í Asparhúsinu klukkan 13, 14 og 15.

Þess má geta að aðgangseyrir að sögustund og smáréttadiski í Asparhúsinu kosta 2.500 kr.

Allar nánari upplýsingar er að finna á modirjord.is

- Auglýsing -

Athugasemdir

Orðrómur

Lestu meira