Sellerírótar- og fennelsúpa með ristuðum hvítlauk og kóríander

Efnisorð

Deila

- Auglýsing -

Súpur geta verið matarmiklar, meinhollar og saðsamar og alltaf gaman að prófa eitthvað nýtt. Þær geta vel staðið einar og sér sem kvöldmatur með góðu brauði og verða margar hverjar enn betri daginn eftir. Þessi súpa er tilvalin fyrir þá sem elska kóríander því bragðið af því kemur vel í gegn.

Sellerírótar- og fennelsúpa með ristuðum hvítlauk og kóríander

fyrir 4

3 msk. olía
2 stk. blaðlaukur, gróft saxaðir
1 meðalstór sellerírót
1 meðalstórt fennel, í bitum
1,5 l grænmetissoð
nýmalaður pipar eftir smekk
3 tsk. sjávarsalt, meira eftir smekk
5 hvítlauksgeirar, fínt sneiddir, t.d. með mandólíni
handfylli ferskur kóríander

Hitið ofninn í 180°C. Steikið blaðlaukinn í 5-7 mín. á pönnu. passið að hræra í af og til. Bætið sellerírótinni og fennel saman við og steikið í um 5 mín. Hellið grænmetissoðinu saman við og látið malla í 15-20 mín. og bragðbætið með salti og pipar. Setjið hvítlauksneiðarnar á smjörpappír og bakið í um 5 mín. í ofni eða þar til þær fara aðeins að gyllast, fylgjast þarf mjög vel með svo þær brenni ekki. Þegar grænmetið er soðið, setjið það þá í matvinnsluvél og maukið, bætið ferskum kóríander saman við og maukið með. Setjið í pott og hitið aftur og bragðbætið með salti og pipar. Skreytið með bökuðum hvítlaukssneiðum og kóríander.

Umsjón / Bergþóra Jónsdóttir
Mynd / Hákon Davíð Björnsson

- Auglýsing -

Athugasemdir

Orðrómur

Lestu meira