Hera Björk Þórhallsdóttir söngkona og fasteignasali gafst upp á því að standa ein í baráttu við offitu og leitaði sér hjálpar. Segir hún að aukin þyngd hennar hafi verið farin að valda henni mikilli vanlíðan og hún játar að hún hafi ekki fengið hlutverk í söngleikjum vegna þyngdarinnar. Röddin var til staðar, en búningarnir pössuðu ekki.
Heimildarmyndin Þung skref eftir Ingu Lind Karlsdóttur fylgir eftir með bataferli og upprisu Heru Bjarkar. Inga Lind fylgdi henni eftir í þrjú ár eftir að Hera Björk fór í aðgerð sem kallast magaermi.
Hera ræðir einnig aðgerðina í forsíðuviðtali Vikunnar, ásamt mörgu fleira.
Það þyrmdi yfir hana þegar hún hugsaði um þá staðreynd að ef hún næði ekki tökum á líkama sínum eins fljótt og mögulegt væri myndi offita draga hana til dauða. Það var ekki þannig sem hún hafði séð fyrir sér að þetta myndi enda.
Hera Björk greinir frá ótta sínum við nýju útgáfuna af sjálfri sér, nýju Heru, sem líta muni dagsins ljós ef aðgerðin heppnast vel. Þar var yfir ýmsa þröskulda að stíga mánuðina og árin eftir aðgerðina sjálfa. Þar upplifði hún að staða hennar í samfélaginu breyttist, álit fólks sömuleiðis en erfiðast fannst henni að mæta sjálfri sér.
Myndin kemur inn á Premium Sjónvarps Símans á fimmtudag. Skot sér um framleiðslu.
