Birgir hættur sem forstjóri Póstsins: „Rétti tíminn til að skipta um við stýrið“

Efnisorð

Deila

- Auglýsing -

Birgir Jónsson, forstjóri Póstsins, hefur sagt starfi sínu lausu.

„Í dag er tilkynnt um það að ég hef sagt starfi mínu lausu hjá Póstinum. Ég hafði það að markmiði þegar ég kom til starfa að sýna fram á að það væri hægt að reka svona ríkisfyrirtæki á sama hátt og öll önnur fyrirtæki. Með alveg einstaklega flottum hópi samstarfsmanna um allt land tókst okkur að umbreyta félaginu, margfalda arðsemi, minnka skuldir um helming og stórbæta þjónustuna,“ segir Birgir í færslu á Facebook.

Birgir var ráðinn 28. maí í fyrra, en hann starfaði áður meðal annars sem framkvæmdastjóri Póstmiðstöðvarinnar en þar á undan var hann forstöðumaður mannauðslausna hjá Advania. Margir þekkja Birgi einnig sem fyrrverandi trommuleikara þungarokkshljómsveitarinnar Dimmu.

„Fyrirtækið var nálægt greiðsluþroti í byrjun síðasta árs en er nú eitt arðsamasta póstfyrirtæki á norðurlöndum og þar með mjög verðmætt fyrir eiganda sinn sem erum við öll, fólkið í landinu. Þessi viðsnúningur kemur ekki til vegna gjaldskrárhækkana, eins og margir halda, enda hafa tekjur fyrirtækisins dregist mikið saman á sama tíma. Hagræðing, góðar hugmyndir og metnaður starfsfólks er blanda sem virkar alltaf best og viðsnúningur Póstsins er fínasta dæmi um það,“ segir Birgir og bætir við að hann telji nú rétta tímann til að skipta um stjórnanda.

„Þetta hefur verið algjörlega frábært verkefni en ég taldi að nú væri rétti tíminn til að skipta um við stýrið, stærstu rekstrarmálin eru leyst og önnur sjónarmið og svo það sé bara sagt hreint út, pólitískari sjónarmið, fara að skipta meira máli. Þetta er kannski eðlilegt í ljósi eignarhaldsins. Ég sem rekstrarmaður finn mig hins vegar ekki alveg nógu vel í slíkri stöðu og tel mig ekki hafa mikið að gefa í henni.“

Birgir segir verkefnin framundan mörg og krefjandi, og áhugavert verði að fylgjast með Póstinum á næstu misserum.

„Það verður áhugavert og gaman að fylgjast með því hvernig byggt verður á þessum sterka grunni á næstu misserum en ljóst er að verkefnin eru mörg og krefjandi.
Hjá Póstinum starfar gríðarlega metnaðarfullt og skemmtilegt fólk út um land allt, það kom mér raunar á óvart hvað það er mikill metnaður sem býr í félaginu en við hefðum aldrei náð þessum árangri ef allir, hver einn og einasti starfsmaður, hefðu ekki hjálpað til. Þessi flotti árangur er okkar allra.

Ég mun sakna þessa góða fólks og verð alltaf stoltur að hafa fengið að berjast með þeim í þessari orrustu.“

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Harpa og Júlíus selja glæsieignina á Kársnesi

Harpa Þórunn Pétursdóttir, lögfræðingur hjá Orkustofnun, og Júlíus Kemp, kvikmyndagerðarmaður, hafa sett einbýlishús sitt við Kársnesbraut á...

Kjartan Atli og Pálína selja í Garðabæ – Útsýnið er einstakt

Körfuboltaparið Kjart­an Atli Kjart­ans­son, fjölmiðlamaður, og Pálína María Gunn­laugs­dótt­ir hafa sett íbúð sína í Garðabæ á sölu.Íbúðin...

Nýtt í dag

Harpa og Júlíus selja glæsieignina á Kársnesi

Harpa Þórunn Pétursdóttir, lögfræðingur hjá Orkustofnun, og Júlíus Kemp, kvikmyndagerðarmaður, hafa sett einbýlishús sitt við Kársnesbraut á...

Í fréttum er þetta helst...

Mest lesið í vikunni

- Auglýsing -