Katrín og Ragnar í samstarf

Efnisorð

Deila

- Auglýsing -

Katrín Jakobsdóttir forsætisráðherra og Ragnar Jónsson rithöfundur og lögfræðingur hyggjast nú slá pennum saman og skrifa glæpasögu saman. Greindu þau frá þessu í þættinum Vikan með Gísla Marteini á RÚV síðasta föstudag, þar sem þau voru gestir.

„Ég veit ekki hvort ég má greina frá því leyndarmáli að við Katrín ætlum að skrifa saman bók, glæpasögu,“ sagði Ragnar. „Nja, svona, við höfum átt einn fund um bókina sem við ætlum að skrifa saman, sem gerist í Reykjavík 1986 en hins vegar hefur ekkert meira gerst í þessu af því ég hef verið aðeins upptekin,“ bætti Katrín við.

„Ég óttast að Ragnar muni bara skrifa þessa bók og ég fái svona þakkir fremst,“ bætti hún við hlæjandi. Katrín er með meistaragráðu í íslenskum bókmenntum, og fjallaði meistararitgerð hennar um íslenskar glæpasögur.

Munu þau hafa hist í hádegismat nú í janúar og spunnið saman söguþráð bókarinnar. Verður að ætla af spjallinu að bókin verði sú næsta hjá Ragnari eftir þá sem hann vinnur að núna. Lítið meira var hægt að draga upp úr þeim, annað en að Viðey mun koma við sögu.

Hún greindi þá frá því hvernig þau Ragnar hefðu hist í há­degis­mat síðasta janúar, rétt áður en kórónu­veiran barst til landsins, og fléttað saman sögu­þráð fyrir bókina.

„Ég ætla ekki að lofa neinum tíma. Hún kemur bara,“ sagði Katrín.

- Auglýsing -

Athugasemdir

Orðrómur

Lestu meira