Óboðinn gestur á heimili Maríu Birtu og Ella: „Við vissum ekkert hvað var í gangi“

Efnisorð

Deila

- Auglýsing -

Tilraun gerð til að brjótast inn til Maríu Birtu Bjarnadóttur og Ella Egilssonar.

„Þetta var rosalega sérstakt af því að sama dag og ég er sett í launalaust leyfi er maður sem reynir að brjótast inn til okkar. Þannig byrjaði okkar COVID,“ segir María Birta Bjarnadóttir, sem er nýjasti gesturinn í hljóðvarpsþætti Sölva Tryggvasonar fjölmiðlamanns.

María Birta og eiginmaður hennar, listamaðurinn Elli Egilsson, eru búsett í Bandaríkjunum og í þættinum greinir hún frá því að þau hafi verið í sjálfskipaðri einangrun í heila fimm mánuði, eða frá 16. mars og þar til þau komu til Íslands í ágúst. Á þeim tíma voru tvær tilraunir gerðar til að brjótast inn á heimili þeirra.

„Á meðan ég var á fundinum þar sem mér var tilkynnt um að það væri verið að loka öllu og þar með vinnunni minni, fæ ég símtal frá Ella þar sem hann segir mér að hann sé búinn að hringja á lögguna. Svo fer af stað eitthvað ferli þar sem við vissum ekkert hvað var í gangi,“ segir María Birta um fyrri tilraunina sem var gerð til að brjótast inn á heimili þeirra.

„Ég valdi þessa íbúð, þar sem ég hélt ég myndi búa ein í Las Vegas og valdi mér sérstaklega gott og öruggt hverfi. Eina skýringin sem við höfum er að fólk var orðið mjög örvæntingarfullt þarna í mars og innbrot ruku upp og allar byssur seldust upp í Nevada,“ segir hún.

Í viðtalinu ræðir María Birta adrenalínfíknina, löngunina til að læra stöðugt eitthvað nýtt, leiklistarferilinn og margt fleira.

Viðtalið í heild má sjá hér að neðan.

- Auglýsing -
- Auglýsing -

Athugasemdir

Orðrómur

Lestu meira

Sólveig og Jakob eignuðust dóttur

Jakob Birgisson uppist­and­ar­i og Sól­veig Ein­ars­dótt­ir hagfræðingur eignuðust frumburð sinn, dóttur, fyrir stuttu. Dóttirin hefur fengið nafnið...