Sérstök fasteignaauglýsing slær í gegn: Einbýlishús með öllu á spottprís

Efnisorð

Deila

- Auglýsing -

Bjartmar Oddur Þeyr Alexandersson blaðamaður á Stundinni auglýsti fyrir stuttu fasteign og voru viðbrögðin góð, enda fasteignin glæsileg og ekki á háu verði.

Bjartmar

Fasteignin er þriggja hæða, fullbúin húsgögnum og henni fylgja húsbíll, tveir hestar og fjórtán leigjendur sem búa í eigninni og ekkert fararsnið á þeim, enda fylgja þeir með í kaupunum.

„Viðbrögðin hafa verið gífurleg, enda er um glæsilega fasteign að ræða. Það stendur hins vegar oft í fólki sá fjöldi leigjenda sem er til staðar, þar sem þeir borga enga leigu og þurfa í raun að fá þjónustu,“ segir Bjartmar í samtali við K100.

Auglýsing sem slegið hefur í gegn

„Þetta voru fyrstu fasteignakaup dóttur minnar og ég þurfti að þvælast um allan bæ að kaupa húsgögn, föt og meira að segja hesta fyrir sjálfa leigjendurna. Miðað við fasteignamarkaðinn í dag býst ég ekki við að hún verði lengi á sölu,“ segir Bjartmar.

Þrátt fyrir ódýrt verð á þessum markaði að mati Séð og Heyrt segir Bjartmar í samtali við Séð og Heyrt að húsið sé enn til sölu.

„Hún ætlar að fá sér málningarsett,“ segir Bjartmar við Séð og Heyrt aðspurður um hvað dóttir hans ætlar að gera við söluverðið. Þegar að því kemur mun hún því væntanlega auglýsa listaverk til sölu. Þeir sem hafa áhuga á fasteigninni geta haft samband við Bjartmar með skilaboðum á Facebook.

Mynd / Bjartmar

Húsið og tilheyrandi
Mynd / Bjartmar

Hluti leigjenda á hestbaki
Mynd / Bjartmar

Fötin sem Bjartmar fór um allan bæ að kaupa
Mynd / Bjartmar

Einbýlishúsið góða
Mynd / Bjartmar

- Auglýsing -

Athugasemdir

Lestu meira