Sigríður táraðist eftir símtal: „Hæ ríki – hvað ætlið þið að gera fyrir mitt fólk?“

Efnisorð

Deila

- Auglýsing -

Sigríður Thorlacius söngkona segist vera afar þakklát fyrir símtal sem hún fékk fyrir nokkru, svo mjög að hún viðurkennir að hún hafi farið að skæla. Sigga er eins og fleiri félagar hennar orðin langþreytt á að bíða eftir aðgerðum frá ríkinu, þar sem flestir listamenn hafa verið tekjulausir síðan í upphafi kórónuveirufaraldursins. Kallar hún eftir því að ríkið grípi til aðgerða í færslu sem hún birti á Facebook í gær.

„Fyrir nokkrum vikum fékk ég símtal frá góðri konu sem ég þekki ekki nokkurn skapaðan hlut. Hafði sungið fyrir hana fyrir einhverjum árum síðan. Hún sagði fallegt við mig og það þótti mér vænt um. Svo bað hún um reikningsupplýsingar ( sem mér þótti ögn skrítið ) – hún vildi fá að leggja inn á mig smá aur. Hún væri ágætlega stæð og þætti miður að sjá hversu vonlaus staða mín og minna væri. Ég fór aðeins að skæla. Viðurkenni það fúslega,“ segir Sigga.

Segist hún að sér sé ekki vorkunn þar sem hún hafi það betra en flestir í sinni stétt. Hún geri sér grein fyrir því og er þakklát fyrir þá stöðu sem hún er í.

„Sko. Við borgum til þessa samfélags eins og aðrir. Skatta, tryggingagjald og hvað þetta allt heitir. Við berum virðingu fyrir og höfum skilning á því að hér er einhverskonar allsherjar skringiástand í gangi.“

Sigga segist vera meðvituð um að félagar hennar í tónlistarbransanum séu ekki allir að fá símtöl frá yndislegum konum. Einnig geti hún ekki ætlast til þess að slík símtöl komi í röðum og haldi henni á floti.

„Hæ ríki – hvað ætlið þið að gera fyrir mitt fólk?“

- Auglýsing -

Athugasemdir

Orðrómur

Lestu meira