Það er komin Helgi enn á ný

Efnisorð

Deila

- Auglýsing -

Helgi Björns snýr aftur í Sjónvarp Símans um helgina en nú undir nýjum formerkjum og nafni en þátturinn hefur fengið nafnið: Það er komin Helgi. Helgi sigraði hug og hjörtu landsmanna í þáttunum Heima með Helga í vetur en þar tók hann á móti gestum í kvöldvökustemningu í beinni útsendingu heim til landsmanna. 

Helgi var í forsíðuviðtali Mannlífs 8. maí: „Amma heldur verndarhendi yfir mér“

Þátturinn sem hefst á morgun verður sambærilegur fyrri útsendingum Helga hjá Sjónvarpi Símans en þó með ögn breyttu sniði. Nú verða þættirnir ekki heima hjá Helga heldur sendir út frá Hlégarði í Mosfellsbæ. Helgi tekur sem fyrr á móti einvala liði gesta, hvort sem þeir koma úr röðum tónlistarmanna og leikara en gestalisti Helga verður hulinn miklum leyndarhjúp og kemur ekki í ljós fyrr en í útsendingunni hverjir eru gestir kvöldsins hverju sinni.

Í nýju seríunni verður gefið meira rými fyrir kerskni og gamanmál.

„Okkur langaði aðeins að víkka rými samtalsins og gefur okkur færi á smá sprelli en auðvitað er tónlistin, sem fyrr, allt um liggjandi í þessu hjá okkur. Sú formúla fór vel í landsmenn og engin ástæða að breyta því,“ segir Helgi sem nú getur orðið bætt titlinum þáttastjórnandi við röð titla á borð við söngvari, leikari og framleiðandi svo eitthvað sé upp talið.

- Auglýsing -

Athugasemdir

Orðrómur

Lestu meira