Veiran vofir yfir öllum – Frægir hérlendis og erlendis með Covid-19

Efnisorð

Deila

- Auglýsing -

Eiríkur Jónsson, fjölmiðlamaður og fyrrum ritstjóri Séð og Heyrt, greindi frá því að hann hafi veikst af COVID-19. Sagðist hann hafa vaknað sveittur og kaldur með dynjandi höfuðverk á laugardag. Þá var hann kominn með bullandi hita og segist ekki hafa getað stigið í fæturna.

Mynd / eirikurjonsson.is

„Vissi strax að þetta væri Covid. Svaf allan laugardaginn í rennandi blautum rúmfötum og hitastig líkamans virtist sveiflast frá frosti í funa. Missti þó aldrei andann. Braggaðist um kvöldið og var kominn í sýnatöku í hádeginu á sunnudag þar sem grunur minn var staðfestur,“ segir Eiríkur. „Það skrýtna er að síðan hef ég ekki kennt mér meins. Ekki fundið fyrir neinu og er á fjórða degi í einangrun; stálsleginn. Þetta er svona eins og hjá Trump. Hann tók þetta á fjórum dögum og var þá mættur á fjöldafund.“

Hann segir að engin leið sé að vita með vissu hvaðan smitið kom en sjálfur er hann á því að hann hafi smitast í Breiðholtslauginni, þar sem hann var á sunnudag í síðustu viku. Lauginni var lokað þriðjudeginum á eftir vegna smits sem þar kom upp.

Eins og frægt er orðið greindust Trump-hjónin, bandarísku forsetahjónin, bæði með Covid-19. Donald Trump forseti greindi sjálfur frá því á Twitter að hann og Melania, eiginkona sín, væru bæði smituð.

Donald Trump og Melania Trump

Þorgrímur Þráinsson, rithöfundur og starfsmaður íslenska karlalandsliðsins í knattspyrnu, greindist með COVID-19. Hann segist ánægður með að hann hafi greinst smitaður en ekki einhver annar, en allt starfslið A-landsliðsins er komið í sóttkví vegna smitsins.

Þorgrímur segist stálsleginn og ekki finna til neinna einkenna, og leggur áherslu á að sé ekki feimnismál að hann sé smitaður.

Ljósmynd / Lögreglan

Segir hann að hann hafi mögulega smitast á tímabilinu miðvikudag til föstudag í síðustu viku, en landsliðið hefur verið á Hótel Nordica.

„Það eru endalausir snertifletir, við vorum ekki einir á hótelinu,“ segir Þorgrímur og alltaf sé möguleiki á smiti, þrátt fyrir að strangar reglur hafi gilt um leikmenn og starfslið.

„Það er alltaf hætta. Kannski var þetta gott á mig. Ég hef alltaf hugsað þannig að þetta gæti ekki komið fyrir mig,“ segir Þorgrímur, sem bíður eftir niðurstöðum úr mótefnamælingu en mögulegt sé að um gamalt smit sé að ræða.

Boris Johnson, forsætisráðherra Bretlands, veiktist af Covid-19. Í myndbandi sem hann póstaði á Twitter fyrir stundu greindi Boris Johnson, forsætisráðherra Bretlands, frá því að hann hefði greinst með COVID-19.

Boris Johnson forsætisráðherra

„Síðasta sólarhringinn hef ég fundið fyrir vægum einkennum og próf sýndi að ég er með kórónavírus,“ segir forsætisráðherrann. „Ég er nú í sjálfskipaðri einangrun en mun halda áfram að leiða viðbrögð ríkisstjórnarinnar í gegnum myndbandsfundi á meðan við berjumst við þennan vírus. Við munum sigrast á þessu saman #stayhomesavelives “

Ármann Þorvaldsson, aðstoðarforstjóri Kviku banka, slapp við að fara í covid-einangrun þegar fjárfestirinn Michelle Ballarin margraut sóttvarnarreglum hérlendis á dögunum. Hún fór á leynifund í bankanum og hrakti Marínó Erni Tryggvason forstjóra í einangrun eftir fundinn. Ármann þurfti ekki í sóttkví því hann hafði áður smitast af Covid-19 og var því með uppáskrifað ónæmi frá Þórólfi Guðnasyni sóttvarnarlækni.

Ármann Þorvaldsson. Mynd / Kvika.is

Rögnvaldur Ólafsson aðstoðaryfirlögregluþjónn veiktist nýlega af Covid-19. Tilkynning þess efnis barst frá embætti ríkislögreglustjóra.

„Covid-19 smit hefur komið upp innan almannavarnadeildar ríkislögreglustjóra. Rögnvaldur Ólafsson, aðstoðaryfirlögregluþjónn reyndist jákvæður fyrir veirunni og hefur verið í einangrun síðustu daga. Hann hefur einkenni veirunnar og heilsast vel miðað við aðstæður. Þrír aðrir samstarfsmenn fóru í sóttkví eftir að smitið uppgötvaðist. Almannavarnadeild fer ítarlega eftir reglum og leiðbeiningum um sóttvarnir og samkomutakmarkanir og hafa veikindi Rögnvalds og sóttkví þriggja starfsmanna ekki haft áhrif á starfsemi almannavarnadeildar.“

Rögnvaldur Ólafsson. Mynd / Almannavarnir.is

Helgi Hrafn Gunnarsson, þingmaður Pírat, greindist með COVID. Hann sagði frá því á Facebook-síðu sinni þar sem hann bað þá sem óttast sjúkdóminn að hafa samband við sig, sérstaklega þá sem hafa ungengist sig í 15 mínútur eða meira í vikunni sem hann greindist.

„Af þeirri örstuttu reynslu sem ég hef af þessum sjúkdómi er mér orðið ljóst að fólk verður hratt óttaslegið og óþreyjufullt eftir upplýsingum. Því vil ég minna á að þetta er ferli, og smitrakning tekur einhvern tíma. Greiningin kom í gærkvöldi og ég hef gert lítið annað en að tala við fólk, ýmist sérfræðinga eða nákomna, sinna smitrakningu og tilflutningi í einangrun.
Ef þið hittuð mig á mánudag eða þriðjudag og við umgengumst hvort annað í meira en 15 mínútur, og ekki hefur verið haft samband við ykkur frá smitrakningu nú þegar, getið þið haft samband við mig og ég svara eftir bestu getu.“

Skemmtikrafturinn Pétur Jóhann Sigfússon veiktist af COVID-19. Pétur sagði sjúkdóminn hreinan viðbjóð og hann hafi aldrei verið svona veikur. Hann glímir við vondan höfuðverk, beinverki, vöðvaverki, var á tíma með hita auk þess sem hann hefur misst bragð- og lyktarskyn – en allt eru þetta algeng einkenni COVID-19.

„Takk fyrir þetta. Þetta er bara þvílíkur heiður,“ sagði Pétur Jóhann í samtali við félaga sína í útvarpsþættinum FM957Blö og fullyrti þá að hann hefði aldrei orðið svona veikur um ævina. „Fjölskyldan mín er búin að vera að koma með mat sem er kominn á dagsetningu. Ég borða bara mat sem er nánast útrunninn. Breytir engu hvað ég borða.“

Pétur Jóhann Sigfússon

Tom Hanks og Rita Wil­son voru fyrstu stjörn­urn­ar til þess að stíga fram og viður­kenna að hafa greinst með veiruna. Veir­an á að hafa lagst verr á Wil­son, hún hafi haft hærri hita en Hanks og missti al­gjör­lega bragð- og lykt­ar­skyn. Hanks fann aðeins fyr­ir minni hátt­ar kve­f­ein­kenn­um.

Ingi­björg Dögg Kjart­ans­dótt­ir, ann­ar af rit­stjór­um Stund­ar­inn­ar, greind­ist með kór­ónu­veiruna. Í ein­læg­um pistli á Stund­inni lýsti hún því hvernig henni leið.

„Ég er nú á 24. degi í ein­angr­un og hef aldrei verið svona lengi ein, án snert­ing­ar við annað fólk. Stund­um upp­lifi ég heim­ilið eins og fang­elsi.

Ingibjörg Dögg Kjartansdóttir ritstjóri.

Ég veit samt að það er ósann­gjörn sam­lík­ing, það að vera heima hjá sér í ein­angr­un er ekk­ert í lík­ingu við það að vera fast­ur í fang­elsi. Ég veit það vegna þess að ég hef farið í fang­elsi til að fjalla um aðstæður fanga. Eft­ir fjóra daga í Kvennafang­els­inu í Kópa­vogi hellt­ist skyndi­lega yfir mig inni­lok­un­ar­kennd, ég varð að fara strax og kom aldrei aft­ur. Samt hafði ég alltaf farið heim á kvöld­in til að sofa. Á Hólms­heiði fékk ég svipaða til­finn­ingu, þótt aðbúnaður væri betri var snert­ing­in við starfs­fólkið minni, lítið um lausn­ir og kon­ur sem voru læst­ar inni fóru jafn­vel aft­ur út, beint á göt­una þaðan sem leiðin lá aft­ur í fang­elsi. Í fang­els­um er meðal ann­ars fólk sem hef­ur átt erfitt upp­drátt­ar í upp­eldi, þar er fólk sem hef­ur lent í áföll­um, einelti, mis­notk­un og mis­notað fíkni­efni. Fólk sem hef­ur valdið sér og öðrum skaða og þarf að tak­ast á við af­leiðing­arn­ar af því. Þar er fólk sem er með al­var­leg­an geðræn­an vanda og þar er fólk sem miss­ir geðheils­una vegna þess að það er lokað inni. Far­ald­ur­inn hef­ur aukið enn á ein­angr­un þeirra. Sam­an­b­urður­inn er skakk­ur, ég veit það. Ég er hins veg­ar far­in að skilja bet­ur af hverju ein­angr­un hef­ur svona slæm áhrif á fólk.“

Portúgalski fótboltamaðurinn Cristiano Ronaldo, sem leikur með Juventus, er kominn í einangrun eftir að hafa greinst með COVID-19.

Ronaldo

Samkvæmt tilkynningu er Ronaldo hress og án allra einkenna. Hann lék allan leikinn á móti Frakklandi í Þjóðadeildinni á sunnudag og einnig í leik móti Spáni í síðustu viku. Ronaldo missir af leik í Þjóðadeildinni gegn Svíþjóð á morgun, og spurning er með leiki helgarinnar og næstu viku.

Félagar hans í landsliðinu fóru í skimun og var niðurstaðan neikvæð.

Brynhildur Ólafsdóttir leiðsögumaður veiktist af Covid-19 og ræddi veikdingin í Síðdegisþættinum.

Brynhildur Ólafsdóttir leiðsögumaður. Mynd / Skjáskot RÚV

Þar sagðist hún vera orðin mun betri en líðan hennar sveiflaðist svolítið upp og niður. „Annan hvern dag fær maður bakslag og hinn daginn er maður algjörlega með þetta,“ sagði hún. „Það eru alveg 10 dagar síðan ég var verst. Þá hélt ég að ég væri að drepast.“ Verstu einkennin hefðu verið kuldahrollur og svakalegir beinverkir að sögn Brynhildar.

Róbert Marshall, upplýsingafulltrúi ríkisstjórnarinnar og eiginmaður Brynhildar, greindist einnig með veiruna nokkrum dögum á eftir henni. Einkenni hans voru þó mun vægari en hann hafði þá verið nýráðinn til starfa hjá ríkisstjórninni. Hjónin smituðust bæði í hópferð gönguskíðafólks norður í Mývatnssveit í mars. Alls greindust 19 af 23 úr hópnum með sjúkdóminn. Sjálfur segist Róbert hafa fengið „lúxusútgáfu af þessum veikindum” en sá þarna hversu gríðarlega smitandi sjúkdómurinn var.

Róbert Marshall, upplýsingafulltrúi ríkisstjórnarinnar, Mynd Alþilngi

Í apríl greindi Madonna frá því að hún hefði greinst með mót­efni gegn veirunni. Talið er lík­legt að hún hafi veikst af veirunni á tón­leika­ferðalagi en á þeim tíma hélt hún að um venju­lega flensu að ræða.

Mynd / EPA

- Auglýsing -

Athugasemdir

Orðrómur

Lestu meira

Pör í paradís

Maldíveyjar eru einstaklega fallegur áfangastaður og fara sífellt fleiri Íslendingar þangað í frí.  Séð og Heyrt sagði frá...