Elísabet setur eigin vítamín á markað: „Það er lífsstíll að nærast vel“

Efnisorð

Deila

- Auglýsing -

Elísabet Reynisdóttir hefur ávallt heillast af öllu sem tengist matvæla- og efnafræði og sem ung stelpa átti hún draum um að læra matvælafræði, og jafnvel seinna næringarfræði. Sá draumur rættist árið 2016 þegar Elísabet útskrifaðist með mastersgráðu í næringarfræði frá Háskóla Íslands. Og nú rættist annar, því Elísabet er að setja eigin vítamín á markað.

„Ég byrjaði í námi í næringarþerapíu í Danmörku 2005, og þegar því námi lauk þá langaði mig að læra meira. Ég hafði alltaf heillast af öllu sem tengist matvæla- og næringarfræði og hóf nám við Háskóla Íslands 2009, og útskrifaðist sjö ströngum árum seinna með master í næringafræði,“ segir Elísabet. „Í kjölfarið fékk ég fullt af alls konar verkefnum, og var meðal annars að kenna næringafræði og efnafræði. Ég hefði getað hugsað mér að læra matvælaefnafræði en næringarfræðin varð fyrir valinu.“

Beta Reynis
Mynd / Aðsend

Í byrjun þessa árs var Elísabet að ræða við bróður sinn um nýja tegund vítamína, svokölluð „liposomal“ vítamín. Elísabet hellti sér í lestur fræðigreina um vítamínin og fékk svo mikinn áhuga að hún framleiðir nú eigin vítamín undir nafninu Beta Nordic.

„Ég mun þróa sum vítamínin sjálf eða í samvinnu með bróður mínum og önnur í samvinnu við samstarfsaðila í Þýskalandi. Vítamínin eru fituhúðuð og í vökvaformi. Þau innihalda engin aukaefni, engin kemísk efni og enga sætu. Þú getur sett þau í bústið þitt eða blandað í vatn. Þar sem vítamínin eru með fituhimnu, þá er upptakan talin mun meiri en af hefðbundnum vítamíntöflum, sem eiga það til að fara í gegnum meltingarveginn án nokkurrar upptöku,“ segir Elísabet.

Fyrst á markað eru B 12 vítamín, C vítamín og D 3 + K 2 vítamín. Mynd / Aðsend

„Núna á tímum kórónuveirunnar er akkúrat tíminn til að hver og einn horfi á eigin lífsstíll. Það er gott að taka inn góð vítamín ef við teljum að við séum ekki að uppfylla bætiefnaþörfina með fæðunni. Vestrænt fæði í dag er ekki nóg fyrir marga, og við þurfum núna sem aldrei fyrr að styrkja ónæmiskerfið okkar. Og þó að við neytum næringarríkrar fæðu er oft nauðsynlegt að bæta við hana góðum vítamínum, þetta fer eftir líkamlegu og andlegu ástandi hvers og eins. Ég er með marga einstaklinga hjá mér sem glíma við fæðuóþol, og þá er gott fyrir þá að taka vítamín,“ segir Elísabet, og leggur áhersluna á að huga þurfi að heilsunni heildrænt, að andleg og líkamleg heilsa fari saman. Andleg líðan geti haft mikil áhrif á hvernig næringu fólk velur og upptöku næringarefna. Streita og áhyggjur hafa áhrif á meltingarkerfið og þar með upptöku næringarefna.

„Það er lífsstíll að nærast vel, rækta sálina, njóta vellíðan og ánægju í lífinu.“

„Fyrst á markað hjá Beta Nordic eru B 12 vítamín, C vítamín og D 3 + K 2 vítamín,“ segir Elísabet. „C og D vítamín geta gert okkur betur í stakk búin að takast á við COVID, og ef við getum hjálpað okkur að komast yfir þessa mánuði með bætt ónæmiskerfi þá er það jákvætt. Þótt það komi ekki veg fyrir fæðu eða lækni þá getur það hjálpað.“

Elísabet er með fleiri verkefni í vinnslu. „Við erum að hanna nýja tegund af vítamínum og eru margar góðar hugmyndir á teikniborðinu. Ég er einnig að gefa út bók fyrir jólin, byggða á eigin reynslu. Það er fullt af spennandi hlutum að gerast,“ segir Elísabet.

Beta Nordic vítamínin verða fáanleg núna í Íslands aptóek og hjá Lyfsalinn. Einnig er hægt að kaupa þau í áskrift í netverslun á www.betanordic.is.

Stúdíó Birtíngur í samstarfi við Beta Nordic.

Beta Reynis
Mynd / Aðsend

- Auglýsing -

Athugasemdir

Orðrómur

Lestu meira