Spennandi hlaðvörp

Efnisorð

Deila

- Auglýsing -

Til eru óteljandi áhugaverð og minna áhugaverð hlaðvörp um geðheilsu og tengd málefni á veraldarvefnum. Hér eru nokkur athyglisverð sem vert er að benda á. Það skal tekið fram að meðfylgjandi hlaðvörp innihalda ekki sannleikann eina en þau gætu bætt einhverju við þann sjóndeildarhring sem hlustandinn á annað borð hefur.

Klikkið

Afar fjölbreyttar hljóðupptökur og hlaðvarpsþættir um geðheilbrigði á víðum grunni frá Hugaraflsfólki.
Slóð: https://hugarafl.is/hladvarp/

The Brain Warrior´s Way

Hlaðvarpsþættir sem hafa gengið síðan 2016 og nær daglega eru þar rædd mikilvæg málefni og ráð til þess að viðhalda góðri geðheilsu. Daniel Amen er manna fróðastur um hvernig geðheilsa hefur verið skilgreind sl. áratugi og hefur verið talsmaður nýrrar nálgunar í þeim efnum.
Slóð: https://brainwarriorswaypodcast.com/episodes/

The Hilarious World of Depression

Hlaðvarp þar sem talað er um depurð og þunglyndi með einlægum, hispurslausum og fyndnum hætti. Viðmælendurnir eru allt gamanleikarar og uppistandarar sem hafa verið að kljást við depurð.
Slóð: https://hilariousworld.org/

Mental Health Book Club Podcast

Hlaðvarp þar sem talað er um bækur og tímarit sem fjalla um geðheilsu. Hér má heyra dóma um nýútkomnar bækur og hversu góðar eða slæmar þær eru í tengslum við viðfangsefnið.
Slóð: https://mentalhealthbookclub.com

The Trauma Therapist

Hlaðvarp þar sem Guy Mcpherson tekur viðtöl við marga af fremstu meðferðaraðilum sem vinna með áföll og fíkn auk sérfræðinga á sviði jóga og hugleiðslu. Hlaðvarpið er ætlað meðferðaraðilum en er athyglisvert fyrir alla sem hafa áhuga á málefninu.
Slóð: https://thetraumatherapistproject.com/podcasts/

The Hardcore Self-help Podcast

Sálfræðingurinn Dr. Robert Duff svarar vikulega spurningum hlustenda í tengslum við geðheilsu á breiðum grunni. Þarna kennir ýmissa grasa, allt frá kvíða og þunglyndi yfir í flókin sambönd, fíkn og lífið í heild sinni.
Slóð: http://duffthepsych/hsh.com 

Listann er að finna í blaði Geðhjálpar

Á www.39.is getur þú skrifað undir áskorun þess efnis að setja geðheilsu í forgang í samfélaginu.

Fólk með sjálfsvígshugsanir er minnt á Hjálparsíma Rauða krossins, 1717, og netspjallið. Einnig er hægt að leita til Píeta samtakanna og síminn opinn allan sólarhringinn og er 552-2218 og vefsíðan www.pieta.is.

- Auglýsing -
- Auglýsing -

Athugasemdir

Orðrómur

Lestu meira