Takið trampólínin inn – gul viðvörun tekur gildi í kvöld

Efnisorð

Deila

- Auglýsing -

Veðurstofan hefur gefið út gula viðvörun vegna hvassviðris á höfuðborgarsvæðinu, Suðurlandi, við Faxaflóa og Breiðafjörð og bendir á að lausir munir, til að mynda trampólín, geti hæglega fokið. Viðvörunin á Suðurlandi og við Faxaflóa tekur gildi klukkan sjö í kvöld og gildir þangað til snemma í fyrramálið en gul viðvörun vegna hvassviðris tók gildi við Breiðafjörð í hádeginu og gildir þar til í fyrramálið.

Vakthafandi veðurfræðingur setur þessa áminningu inn á vef Veðurstofunnar: „Búast má við strekkingi eða allhvössum vindi á Suður- og Vesturlandi í kvöld og nótt ásamt talsverðri rigningu. Gular viðvaranir eru í gildi sem m.a. eiga að ná til þeirra sem hyggja á ferðalög með ökutæki sem eru viðkvæm fyrir vindi. Léttir og lausir munir, sem oft eru útivið á sumrin, geta fokið. Í fyrramálið lægir vind á þessum slóðum.“

Þótt vindinn lægi í fyrramálið er útlit fyrir ansi haustlegt veður í vikunni, mögulega með slyddu til fjalla norðanlands.

 

- Auglýsing -

Athugasemdir

Orðrómur

Lestu meira